தமிழ்நாட்டில் மக்கள்தொகை கணக்கெடுப்புப் பணிகள் சுமூகமாக நடைபெறுவதை உறுதி செய்யும் வகையில், அரசு அதிகாரிகள் மற்றும் ஊழியர்களின் இடமாற்றங்களுக்கு ஆகஸ்ட் 31-ஆம் தேதி வரை தற்காலிகத் தடை விதித்து தமிழக அரசு உத்தரவிட்டுள்ளது.
மத்திய உள்துறை அமைச்சர் அமித்ஷா, நாடு முழுவதும் மக்கள்தொகை கணக்கெடுப்புப் பணிகளைத் தொடங்குவது தொடர்பான வழிகாட்டுதல்களை வழங்கியதைத் தொடர்ந்து, தமிழக அரசு இந்த உத்தரவை வெளியிட்டுள்ளது.
அதன்படி, ஜூலை மாதம் முதல் வரும் ஆகஸ்ட் 31-ஆம் தேதி வரை அரசு அதிகாரிகள் மற்றும் ஊழியர்களின் இடமாற்றங்கள் மேற்கொள்ளப்படாது என அறிவிக்கப்பட்டுள்ளது.
நாடு தழுவிய மக்கள்தொகை கணக்கெடுப்புப் பணிகள் தமிழ்நாட்டிலும் எவ்வித தொய்வும் இன்றி, திட்டமிட்டபடி சுமூகமாக நடைபெறுவதை உறுதி செய்வதற்காக இந்த நடவடிக்கை எடுக்கப்பட்டுள்ளதாக அரசு தெரிவித்துள்ளது.
கணக்கெடுப்புப் பணிகளில் ஈடுபடுத்தப்படவுள்ள அனைத்து துறை அரசு அதிகாரிகள் மற்றும் ஊழியர்களுக்கும் இந்த தற்காலிக இடமாற்றத் தடை பொருந்தும் என்றும் தெரிவிக்கப்பட்டுள்ளது.
மத்திய உள்துறை அமைச்சகத்தின் வழிகாட்டுதலின் அடிப்படையில், மக்கள்தொகை கணக்கெடுப்புப் பணிகளை துரிதப்படுத்தும் நோக்கில், பணியில் ஈடுபடவுள்ள அதிகாரிகள் மற்றும் ஊழியர்கள் ஒரே பணியிடத்தில் தொடர்ந்து செயல்படுவதை உறுதி செய்வதற்காக இந்த உத்தரவு பிறப்பிக்கப்பட்டுள்ளதாக தமிழக அரசு விளக்கம் அளித்துள்ளது.
மக்கள்தொகை கணக்கெடுப்புப் பணிகள் தடையின்றி நடைபெறுவதற்காக வெளியிடப்பட்டுள்ள இந்த உத்தரவு, அரசு அதிகாரிகள் மற்றும் ஊழியர்களிடையே முக்கிய கவனத்தை பெற்றுள்ளது.