”திரையில் தன்னால் தான் அஜித் – தான் இல்லை என்றால் அஜித் அழிந்தார் என்ற தோற்றமும் உருவாக்கிவிட முடியும். சிக்கலான கணக்கை சரியாக முடித்த வகையில் விஜய் நரி கும்பல் சரியாக முடித்துவிட்டது” என யூடியூபர் மாரிதாஸ் அதிர்ச்சி கிளப்பியுள்ளார்.
லண்டன் சென்றுள்ள முதல்வர் விஜய், அஜித் குமார் பங்கேற்ற கார் ரேஸை தொடங்கி வைத்ததுதன் இரண்டு நாட்களாக ஹாட் டாபிக். விஜய்க்கும், அஜித்துக்கும் இடையிலான நட்பை கொண்டாடி வரும் வேளையில், அவர்களது ரசிகர்களுக்கு இடையே சிண்டு முடியும் வேலைகளையும் சமூக வலைதளங்களில் நெகட்டிவாக பகிர்ந்து வருகிறது ஒரு கூட்டம்.
இந்நிலையில், யூடியூபர் மாரிதாஸ் எக்ஸ்தளத்தில் பகிர்ந்துள்ள பதிவு பெரும் சர்ச்சையை கிளப்பியுள்ளது. அவரது பதிவில், ”2024 முதல் தீவிரமான கார் பந்தைய டீம் அமைக்கும் முயற்சியில் உள்ள அஜித் Ajith Kumar Racing – கடந்த 2 ஆண்டுகளில் சுமார் ரூ.84 கோடிக்கும் மேல் செலவு செய்துள்ளார். ஆனால் வருமானம் ஏறக்குறைய ஜீரோ…
2026களில் இதனை மேற்கொண்டு நடத்துவதற்கு ஸ்பான்ஸர் அவசியமாகிறது.. அதில் campa மட்டுமே குறிப்பிட தகுந்த ஸ்பான்ஸர் ஆவார். போதிய ஸ்பான்ஸர் கிடைக்கவில்லை. Gladiators – In Pursuit of Challenges என்ற ஆவணப்படம் என்று தன் ரேஸில் நடக்கும் காட்சிகள் வைத்து ஒரு திரைப்படம் எடுத்து, அதை ஓடிடி, பிறவழிகளில் முயற்சி எடுக்கப்படுகிறது. ஆனால் அது போதிய அளவு இல்லை. அது அணியின் தேவையை நிரந்தரமாக பூர்த்தி செய்யாது.
2026 தேர்தல் முடிந்த கையோடு ஒரு நிறுவனம் வருகிறது ஸ்பான்ஸர் செய்ய. அது nova life space. வெறும் 4 கோடி லாபம் கொண்ட 46 கோடி அளவில் வருமானம் மட்டுமே உள்ள, 30 கோடி அளவில் கடன் உள்ள ஒரு ரியல் எஸ்டேட் நிறுவனம் வந்து ஸ்பான்ஸர் என்று சொல்வதன் பின்னால் இருப்பது லாட்டரி மருமகனும், விஷ்ணு கும்பலும், பெங்களூர் நிறுவனம் ஒன்று ஆகும். டிஎல்எஃப், காஸாகிராண்ட் போன்ற நிறுவனங்கள் கூட பெரிய ஸ்டார் வைத்து எடுக்க தயக்கம் காட்டும் நிலையில் இந்த கும்பல் வருவது அந்த வகையில் தான்.
அந்த ஸ்பான்ஸர் மட்டும் அல்ல. மேலும் வருமானம் மற்றும் ஸ்பான்ஸர் கிடைக்க ஐடியா கொடுத்து – Gladiators ஆவணப்படத்தில் விஜய் வருவது நல்லது. மேலும் ஸ்பான்ஸர் வழிவகை செய்யலாம் – அரசு இதற்கு புதிய திட்டம் கொண்டு வருகிறது. அதிலும் உங்களை இணைக்கலாம் என பல வழிகள் காட்டப்படுகிறது. விளைவு – நல்ல விசயம் தானே என அஜித் ஏற்று – விஜய், திரிஷா, ஆதவ் விஷ்ணு ரெட்டி பயணம்… லண்டனில் ஜோலிய முடித்த கதை இங்கே முடிகிறது.
சரி இதில் என்ன திட்டம் பெருசா இருக்க போகிறது? தன் ஆட்சிக்கு எதிராக தன் வழியில் திரைப்படங்கள் மூலம் 2 வசனம் வைத்தாலே அஜித் படம் ஓட்டலாம். அஜித் நினைத்தாலே ஆட்சிக்கு சிக்கலை ஏற்படுத்த வாய்ப்புண்டு. அத்தோடு அது சிறந்த ஐடியாவும் கூட… ஆக நட்பு பாராட்டி கெடுப்பது தான் சிறந்த வழி விஜய் கும்பலுக்கு… (தனி ஐடி டீம் வச்சு மொத்த குடும்பத்தையும் அருவருப்பாக திட்டிய கும்பல் இது)
இன்னொரு பக்கம் திரைத் துறையிலும் ஏறக்குறைய எதிரி இல்லை என்ற போது, போட்டியாளர் இல்லை என்ற போது, பெரிய இடம் இருக்காது. தயாரிப்பாளர்களை அதிகாரம் கொண்டு மிரட்டிவிட முடியும். அடுத்த சில ஆண்டுகளில் அஜித் மார்க்கெட் முடிந்தது. விஜய் அரசியலுக்கு சென்றதால்.. என எழுத சொல்லி முடிச்சுடலாம். எதிர்ல்காலத்திலும் சிக்கல் இல்லாமல் செய்துவிடலாம்.
மொத்தத்தில் விஜய் அரசியலிலும் லாபம், திரையில் தன்னால் தான் அஜித் – தான் இல்லை என்றால் அஜித் அழிந்தார் என்ற தோற்றமும் உருவாக்கிவிட முடியும். சிக்கலான கணக்கை சரியாக முடித்த வகையில் விஜய் நரி கும்பல் சரியாக முடித்துவிட்டது.” எனப்பதிவிட்டுள்ளார்.