மறைந்த உச்ச தலைவர் அயதுல்லா சையத் அலி கமேனியின் அரசுமுறை இறுதிச் சடங்கில் பங்கேற்றதற்காக, இந்திய அரசு, அதன் அதிகாரப்பூர்வ தூதுக்குழு, அரசியல் பிரமுகர்கள் மற்றும் குடிமக்களுக்கு இந்தியாவில் உள்ள ஈரான் தூதரகம் நன்றி தெரிவித்துள்ளது. இந்தச் செயலை “பரஸ்பர மரியாதையின் வலுவான வெளிப்பாடு” என்றும், இரு நாடுகளுக்கும் இடையிலான ஆழமான வரலாற்று மற்றும் கலாச்சார உறவுகளின் பிரதிபலிப்பு என்றும் அது வர்ணித்துள்ளது.
‘எக்ஸ்’ தளத்தில் வெளியிடப்பட்ட விரிவான பதிவில், ஈரானில் நடைபெற்ற இறுதிச் சடங்குகளில் பங்கேற்று கமேனிக்கு அஞ்சலி செலுத்திய இந்திய அதிகாரப்பூர்வ தூதுக்குழுவினர், அனைவருக்கும் ஈரான் தூதரகம் நன்றி தெரிவித்தது.
“ஈரானின் உயரிய தலைவர் அயதுல்லா சையத் அலி கமேனியின் இறுதிச் சடங்குகளில் பங்கேற்று அவருக்கு அஞ்சலி செலுத்தியதற்காக, இந்திய அரசு மற்றும் மக்களுக்கு – குறிப்பாக இந்திய அரசு மற்றும் மக்களின் சார்பாகப் பங்கேற்ற அதிகாரப்பூர்வ தூதுக்குழுவினருக்கு – இந்தியாவில் உள்ள ஈரான் தூதரகம் தனது மனமார்ந்த நன்றியையும் பாராட்டுக்களையும் தெரிவித்துக்கொள்கிறது.
இந்த விழாக்களில் இந்திய அரசியல் தலைவர்கள், நாடாளுமன்ற உறுப்பினர்கள், அறிஞர்கள், சிந்தனையாளர்கள் மற்றும் பல்வேறு மதங்களின் பிரதிநிதிகள் கலந்துகொண்டது, இரு நாடுகளுக்கும் இடையிலான நீண்டகால உறவை வெளிப்படுத்துகிறது.
இந்த முக்கிய நிகழ்வுகளில் இந்திய அரசியல் தலைவர்கள், நாடாளுமன்ற உறுப்பினர்கள், சிறந்த அறிஞர்கள், சிந்தனையாளர்கள் மற்றும் இந்தியாவின் பல்வேறு மத மற்றும் சமய சமூகங்களின் தலைவர்கள் கலந்துகொண்டது, நமது இரு நாடுகளுக்கும் இடையிலான ஆழமான வரலாற்று, கலாச்சார மற்றும் மனிதநேய பிணைப்புகளைப் பிரதிபலித்தது. மேலும், தேசிய துயரத்தின் இந்த வேளையில் ஈரான் மக்களுடனான பரஸ்பர மரியாதை மற்றும் உண்மையான ஒற்றுமையின் வலுவான வெளிப்பாடாகவும் இது அமைந்தது.
“நெருப்பாக மாறும் தூங்கா நகரம்! ஆக்ஸ்போர்டு ஆய்வின் பகீர் பின்னணி!”
ஈரான் மக்கள் இந்தியாவின் நட்பு, கருணைமிக்க இந்தச் செயலை ஒருபோதும் மறக்கமாட்டார்கள். இது இரு நாடுகளுக்கும் இடையிலான நீண்டகால உறவுகளை மேலும் வலுப்படுத்துவதற்கான அடித்தளமாக அமையும். கமேனியின் மறைவைத் தொடர்ந்து இரங்கல் தெரிவித்த இந்திய அதிகாரிகள், பொதுப் பிரமுகர்கள், குடிமக்களுக்கும் நன்றி” என தூதரகம் தெரிவித்துள்ளது.
கடந்த வாரம் தெஹ்ரானில் நடைபெற்ற இறுதிச் சடங்கில், வெளியுறவுத்துறை இணை அமைச்சர் பவித்ரா மார்கெரிட்டா, பீகார் ஆளுநர் லெப்டினன்ட் ஜெனரல் (ஓய்வு) சையத் அட்டா ஹஸ்னைன் ஆகியோர் இந்தியாவைப் பிரதிநிதித்துவப்படுத்தினர். சமீபத்திய அமெரிக்க-இஸ்ரேல் மோதலின் போது கொல்லப்பட்ட கமேனிக்கான அதிகாரப்பூர்வ இறுதிச் சடங்குகளை ஈரான் தொடங்கிய நிலையில், துக்க நிகழ்வில் இந்திய அரசாங்கத்தைப் பிரதிநிதித்துவப்படுத்தும் வகையில் இந்தக் குழு பங்கேற்றது.
மூத்த காங்கிரஸ் தலைவரும் முன்னாள் வெளியுறவுத்துறை அமைச்சருமான சல்மான் குர்ஷித் மற்றும் ஜம்மு காஷ்மீர் மக்கள் ஜனநாயகக் கட்சியின் தலைவர் மெஹபூபா முப்தி ஆகியோரும் இறுதிச் சடங்குகளில் கலந்துகொண்டனர். இதற்கிடையில், கமேனிக்கான இரண்டு நாள் பொது விடைபெறும் நிகழ்ச்சி நிறைவடைந்தது.
ஏலக்காய் மண்டியில் முடங்கிய ஓபிஎஸ்… தவெக நோக்கி நகரும் மகன்… தவிக்கும் ‘தர்மயுத்த’ நாயகன்!
இறுதிச் சடங்கிற்காக தெஹ்ரானில் லட்சக்கணக்கான மக்கள் திரண்டனர். அங்கு ஈரானின் அரசியல் இராணுவத் தலைவர்கள் அவரது கொள்கைகளைத் தொடர்வதாகவும், அவரது மரணத்திற்குப் பொறுப்பானவர்கள் மீது நடவடிக்கை எடுக்கப்படும் என்றும் உறுதிமொழி எடுத்தனர் அவரது மூன்று மகன்கள் சவப்பெட்டிக்கு அருகில் பிரார்த்தனை செய்வதைக் காண முடிந்தது. ஆனாலும், அவரது வாரிசும் தற்போது ஈரானை வழிநடத்துபவருமான மொஜ்தபா கமேனி இந்நிகழ்ச்சியில் கலந்துகொள்ளவில்லை.
கமேனியின் மறைவைத் தொடர்ந்து, அவரது மகன் மொஜ்தபா கமேனி இஸ்லாமியக் குடியரசின் புதிய உச்சத் தலைவராக நியமிக்கப்பட்டார்.
[…] கமேனி இறுதிச்சடங்கில் இந்தியா..! இதை ம… […]
[…] கமேனி இறுதிச்சடங்கில் இந்தியா..! இதை ம… […]
[…] கமேனி இறுதிச்சடங்கில் இந்தியா..! இதை ம… […]