திமுக-காரன்டா..! லஞ்ச ஒழிப்புத்துறைக்கே டிமிக்கி கொடுத்த கே.என்.நேரு..! மாஸ்டர் ஸ்கெச்ட்..!

முன்னாள் அமைச்சர் கே.என்.நேருவுக்குத் தொடர்புடைய இடங்களில் குறுகிய கால இடைவெளியில் இரண்டு சோதனைகள் நடத்தப்பட்டன.

கடந்த அக்டோபர் 5ஆம் தேதி முன்னாள் அமைச்சர் கே.என்.நேரு தொடர்பான இடங்களில் லஞ்ச ஒழிப்புத்துறை தனது முதல் கட்டச் சோதனையை நடத்தியது. அந்த அதிரடி அடங்குவதற்குள், சரியாக 24 நாட்கள் இடைவெளியில், அக்டோபர் 29 அன்று இரண்டாவது முறையாக மீண்டும் சோதனைக் களத்தில் இறங்கியது டி.வி.ஏ.சி.

அதிகரித்த இடங்கள்… குறைந்த ஆவணங்கள்
முதல் முறை சோதனை நடத்தப்பட்ட இடங்களை விட, இரண்டாவது சோதனையின் போது குறிவைக்கப்பட்ட இடங்களின் எண்ணிக்கை மிக அதிகம் என்று சொல்லப்படுகிறது. ஆனால், வியப்பளிக்கும் விதமாக, சோதனையின் முடிவில் லஞ்ச ஒழிப்புத்துறையினருக்குக் கிடைத்த ஆவணங்களின் அளவு மிகக் குறைவாகவே இருந்ததாகத் தகவல்கள் கசிந்துள்ளன.

லஞ்ச ஒழிப்புத்துறையின் ரகசியக் கணக்கு
பொதுவாக ஒரு முறை ரைடு நடந்தால், “இனிமேல் அதிகாரிகள் வரமாட்டார்கள்” என்ற எண்ணத்தில், வேறு பாதுகாப்பான இடங்களில் மறைத்து வைக்கப்பட்டுள்ள முக்கிய ஆவணங்களை சம்பந்தப்பட்டவர்கள் மீண்டும் அதே இடங்களுக்குக் கொண்டு வந்து வைக்கக்கூடும் என்பதுதான் லஞ்ச ஒழிப்புத்துறையின் உத்தியாக இருந்தது. இந்த ரகசியக் கணக்கின் அடிப்படையில்தான் இரண்டாவது சோதனையும் திட்டமிடப்பட்டது.

வியூகத்தை முறியடித்த தி.மு.க தலைமை
அதிகாரிகளின் இந்த நகர்வை முன்கூட்டியே கணித்த தி.மு.க தலைமை, “எது எது எங்கெங்க இருக்கோ, அது அது அங்கங்கேயே இருக்கட்டும்… எதையும் எங்கேயும் மாற்ற வேண்டாம்” எனத் தீர்க்கமான சிக்னல் கொடுத்ததாக அரசியல் வட்டாரத்தில் பேசப்படுகிறது. இதன் காரணமாகவே, கூடுதல் இடங்களில் தேடியும் அதிகாரிகளுக்கு எதிர்பார்த்த அளவு ஆவணங்கள் சிக்கவில்லை என்றும், இதனால் சோதனைப் பிரிவினருக்கு ஏமாற்றமே மிஞ்சியதாகவும் கூறப்படுகிறது.

இருப்பினும், லஞ்ச ஒழிப்புத்துறையினர் இத்துடன் தங்கள் தேடுதலை நிறுத்திக் கொள்வதாக இல்லை என்றும், அடுத்த கட்டச் சோதனைக்கான திட்டமிடல்களும் சத்தமின்றி நடந்து வருவதாகவும் அரசல் புரசலாகப் பேச்சுகள் அடிபடுகின்றன. வரவிருக்கும் நாட்களில் இந்தச் சோதனைகளின் உண்மைத் தன்மை மற்றும் கைப்பற்றப்பட்ட விவரங்கள் குறித்த முழுமையான தகவல்கள் வெளிவரும் என எதிர்பார்க்கப்படுகிறது.