“தளபதி விஜய்” — தமிழ்நாட்டு மக்களின் பேராதரவோடு, தேர்தல் களம் கண்ட முதல் முறையிலேயே 35 சதவீதத்திற்கும் அதிகமான வாக்குகளை வாரிக் குவித்து, ஒரு வலுவான முதலமைச்சராக அரியணையில் அமர்ந்தவர். முகம் தெரியாத வேட்பாளர்களைக் கூட, ‘விஜய்’ என்ற ஒற்றைப் பெயரின் மீதிருந்த நம்பிக்கையால் சட்டமன்ற உறுப்பினர்களாக மாற்றினர் தமிழக மக்கள்.
ஆனால், மக்கள் வழங்கிய அந்தப் புனிதமான தீர்ப்பை, அதிகார மமதையில் சிலர் தரைமட்டமாக்க சொந்த கட்சி அமைச்சர்கள்., எம்.எல்.ஏ-க்களே முற்படுவது நெஞ்சைப் பிளக்கும் வேதனை. முன்னதாக, அக்கட்சியைச் சேர்ந்த அமைச்சர் ஒருவர் பொது இடத்தில் போதைப்பொருள் பயன்படுத்தியதாகக் குற்றச்சாட்டு எழுந்திருந்தது.
தற்போது, அக்கட்சியைச் சேர்ந்த மற்றொரு சட்டமன்ற உறுப்பினரும், தமிழ்நாடு சட்டமன்றத்தின் துணை சபாநாயகருமான ரவி சங்கர், ஒரு சர்ச்சையில் சிக்கியுள்ளார். இது தொடர்பான காணொளி ஒன்று சமூக வலைதளங்களில் வைரலாகப் பரவி வருகிறது.
திருச்சிராப்பள்ளி மாவட்டத்தைச் சேர்ந்த நபர் ஒருவர், தனது பகுதியில் உள்ள குடிநீர் தட்டுப்பாடு மற்றும் குப்பைகள் தேங்கியிருப்பது குறித்த குறைகளைத் தெரிவிக்கச் சென்றபோது, துணை சபாநாயகர் ரவி சங்கர் அவரைத் தாக்கியதாகக் கூறப்படும் காணொளி பெரும் சர்ச்சையை ஏற்படுத்தியுள்ளது.
பாதிக்கப்பட்ட நபரின் பெயர் கார்த்திக் குமார். தனது பகுதியில் நிலவும் குடிநீர் தட்டுப்பாடு மற்றும் குப்பைகள் குவிந்து கிடப்பது குறித்து முறையிடச் சென்றபோது, அந்த சட்டமன்ற உறுப்பினர் தன்னைத் தாக்கியதாக அவர் குற்றம் சாட்டியுள்ளார்.
குமாரின் கூற்றுப்படி, அவரது பகுதியில் கடந்த ஒரு வாரமாக குடிநீர் தட்டுப்பாடு நிலவி வருகிறது, மேலும் குப்பைகளும் அகற்றப்படாமல் தேங்கிக் கிடக்கின்றன. இது குறித்து முறையிட்டபோது, அந்த சட்டமன்ற உறுப்பினர் பொறுமையின்றி, அந்த நபரை உடல் ரீதியாகத் தாக்கியுள்ளார்.
இந்தக் காணொளி சமூக வலைதளங்களில் வைரலானதைத் தொடர்ந்து, விஜய் தலைமையிலான அரசுக்கு எதிராகப் பொதுமக்களிடையே கடும் விமர்சனங்கள் எழுந்துள்ளன. விஜய்யின் கட்சியைச் சேர்ந்த மக்கள் பிரதிநிதிகள் இத்தகைய சர்ச்சைகளில் சிக்கி, பொதுமக்களின் அதிருப்திக்கு ஆளாவது இது முதல் முறையல்ல.
விஜய் தமிழ்நாட்டின் முதலமைச்சராகப் பொறுப்பேற்றபோது, தமிழக அரசியலில் நிலவி வந்த வன்முறை மற்றும் அதிகார ஆதிக்க கலாச்சாரத்தை அவர் மாற்றுவார் என்று மக்கள் பெரிதும் நம்பினர். விஜய் தனது பணியில் முழு ஈடுபாட்டுடன் செயல்பட்டு வந்தாலும், அவரது கட்சியின் சட்டமன்ற உறுப்பினர்களின் செயல்பாடுகள் அவருக்குப் பெரும் சவாலாக மாறியுள்ளன.
இந்தச் சூழலில் விஜய் என்ன நடவடிக்கை எடுக்கப்போகிறார், தனது கட்சி சட்டமன்ற உறுப்பினர்களை அவர் எப்படி கட்டுப்படுத்தப் போகிறார்? ஆட்சி அமைந்து ஆறு மாதங்களே ஆகியுள்ள நிலையில், ஏற்கனவே இது போன்ற பல சம்பவங்கள் விஜய்க்கு தர்ம சங்கடத்தை ஏற்படுத்தி உள்ளன. தமிழகத்தில் பத்தாண்டு கால வன்முறை கலாச்சாரத்திற்கும், அதிகார ஆதிக்கத்திற்கும் முற்றுப்புள்ளி வைப்பார்; ஒரு புதிய விடியலைத் தருவார் என்று நம்பியே விஜயை முதலமைச்சராக்கினர் மக்கள்.
விஜய் தமிழகத்தின் வளர்ச்சிக்காகவும், மக்களின் நலனுக்காகவும் முழு மூச்சோடு உழைத்து வரும் வேளையில், அவரது சொந்தக் கட்சியின் மக்கள் பிரதிநிதிகளே அவருக்குப் பின்னால் உண்மை தற்குறிகளாக மாறுவது பெரும் சோகம்.
சாமானிய மக்களின் நம்பிக்கையைப் பெற்ற ஒரு தலைவன், தன் சொந்தக் கட்சியினரின் அதிகார அத்துமீறல்களைக் கட்டுப்படுத்தப் போவது எப்படி? தவறு செய்தவர்கள் யாராக இருந்தாலும் களையெடுப்பாரா? சொந்தக் கட்சியினர் என்பதால் விட்டுக்கொடுப்பாரா? மக்களின் எதிர்பார்ப்பும், நம்பிக்கையும் முதலமைச்சர் விஜய்யின் அடுத்த கட்ட அதிரடி நடவடிக்கையை நோக்கித்தான் காத்திருக்கின்றன.