தமிழக அரசியலில் கூட்டணிக் கணக்குகள் மீண்டும் சூடுபிடிக்கத் தொடங்கியுள்ளன. உதயநிதி ஸ்டாலின் புதிய அரசியல் வியூகத்தை முன்னெடுக்கத் தயாராகி வருகிறார். தமிழ்த் தேசிய அரசியலையும் திராவிட அரசியலையும் எதிரெதிர் துருவங்களாகச் சித்தரிக்கும் அரசியல் வாதங்களை முறியடித்து, காங்கிரஸுக்கு எதிரான விமர்சனங்களைத் தீவிரப்படுத்தும் திட்டம் இருப்பதாகக் கூறப்படுகிறது.
உதயநிதியின் அதிரடி வியூகம்
காங்கிரஸ், விடுதலைச் சிறுத்தைகள் கட்சி ஆகியவற்றுடன் இனி கூட்டணி அமைப்பதில்லை என்பதில் உதயநிதி ஸ்டாலின் உறுதியான நிலைப்பாட்டை எடுத்திருப்பதாக கூறப்படுகிறது. இதற்கிடையே, தமிழ்த் தேசிய அரசியல் என்பது திராவிட அரசியலுக்கு எதிரானது அல்ல என்ற கருத்தை முன்னிறுத்தி, தமிழக அரசியலில் புதிய விவாதத்தை உருவாக்கும் முயற்சி மேற்கொள்ளப்படுவதாகக் கூறப்படுகிறது.
தமிழகத்தின் அரசியல் களத்தில் தமிழ்த் தேசியம், திராவிட அரசியல், மாநில உரிமைகள் உள்ளிட்ட விவகாரங்கள் நீண்டகாலமாக விவாதிக்கப்பட்டு வருகின்றன. இந்தச் சூழலில், அந்த விவாதங்களைத் தனது அரசியல் வாதங்களுக்குச் சாதகமாகப் பயன்படுத்திக்கொள்வது திமுகவின் அடுத்தகட்ட அணுகுமுறையாக இருக்கும் என்று கூறுகிறார்கள்.
டெல்லியைக் குறிவைக்கும் திமுக
காங்கிரஸ் தலைமையுடன் ஏற்பட்டுள்ள அரசியல் முரண்பாடுகளை முன்வைத்து, தேசிய அளவிலான காங்கிரஸ் தலைவர்களையும் விமர்சிக்கும் திட்டத்தில் இருக்கிறது திமுக. இந்தப் பின்னணியில், காங்கிரஸின் அரசியல் அணுகுமுறையை விமர்சிப்பதன் மூலம் திமுக தனது தனித்த அரசியல் நிலைப்பாட்டை வலுப்படுத்த முயற்சிக்கிறது,
ஸ்டாலின் கொடுத்த ஆதரவுக் கரம்
இதற்கிடையே, காக்ரோஜ் ஜனதா பார்ட்டி நிர்வாகிகள் கைது செய்யப்பட்டதற்கு எதிராகக் கண்டனம் தெரிவித்ததுடன், சட்ட ரீதியாகத் திமுக துணை நிற்கும் என முதலமைச்சர் மு.க.ஸ்டாலின் ஆதரவு தெரிவித்துள்ளார். இது திமுக தனது அரசியல் தொடர்புகளை விரிவுபடுத்தும் முயற்சியாகப் பார்க்கப்படுகிறது.
கனிமொழியின் தொடர் பேச்சுவார்த்தைகள்
திமுக நாடாளுமன்ற உறுப்பினர் கனிமொழி, இந்தியா கூட்டணியில் இடம்பெற்றுள்ள பல்வேறு அரசியல் கட்சிகளின் தலைவர்களுடன் தொடர்ந்து பேசி வருகிறார். இதனால், திமுக தனக்கான அரசியல் வாய்ப்புகளை விரிவுபடுத்தி வருகிறது.
தேசிய அளவில் பாஜகவுக்கு எதிராக உருவாக்கப்பட்ட இந்தியா கூட்டணியில் இடம்பெற்றுள்ள கட்சிகளுக்கு இடையே, மாநில அரசியல் சூழல்களால் பல்வேறு முரண்பாடுகள் ஏற்பட்டுள்ளது. உதயநிதியின் அரசியல் அணுகுமுறை, ஸ்டாலினின் ஆதரவு நடவடிக்கைகள், கனிமொழியின் அரசியல் தொடர்புகள் எனப் பல நகர்வுகள் தமிழக அரசியலில் புதிய விவாதங்களை உருவாக்கியுள்ளன.