ஒரு வெளிநாட்டுத் தனிப் பயணியின் வீடியோ ஒன்று இப்போது சமூக ஊடகங்களில் பரபரப்பை ஏற்படுத்தி வருகிறது. வைரல் வீடியோவில் இந்தியா மற்றும் இந்திய மக்களைப் பற்றி அந்த ஆஸ்திரேலியப் பெண் கூறிய வார்த்தைகள் ஒவ்வொரு இந்தியரையும் பெருமிதம் கொள்ளச் செய்துள்ளது. இந்தியர்கள் உலகில் மிகவும் விருந்தோம்பல் மிக்கவர்கள் என்றும், இதை நிரூபிக்க எந்த எல்லைக்கும் செல்வேன் என்றும் அந்தப் பெண் கூறுகிறார்.
பெய்ஜ் என்ற பெயருடைய இந்த வெளிநாட்டுப் பெண், மலைகளில் இருந்து தனது வீடியோவைப் பகிர்ந்துள்ளார். அவர் “அந்த மலையில் இற” (Die on that hill) என்ற பிரபலமான ஆங்கில சொற்றொடரைப் பயன்படுத்தியுள்ளார். இதன் எளிய பொருள் என்னவென்றால், என்ன நடந்தாலும், இந்தியர்களை விட சிறந்த விருந்தோம்பலை வேறு யாரும் வழங்க முடியாது என்ற தனது நிலைப்பாட்டில் இருந்து அவர் ஒருபோதும் பின்வாங்க மாட்டார் என்பதுதான்.
தனது அனுபவங்களை நினைவு கூர்ந்த அந்த வெளிநாட்டுப் பெண், மிகவும் உணர்ச்சிப்பூர்வமான சில கதைகளைப் பகிர்ந்து கொண்டார். ”நான் டெல்லிக்கு வந்தபோது, னது விமானம் கொஞ்சம் தாமதமானது. இரவு நேரம் ஆகிவிட்டதால், தங்கியிருந்த ஹோட்டல் இருந்த தெருவில் வாகனங்கள் செல்ல தடை விதிக்கப்பட்டிருந்தது. வாடகைக் கார் ஓட்டுநர் காரைப் பாதுகாப்பாக நிறுத்திவிட்டு, அவரை ஹோட்டல் வாசல் வரை அழைத்துச் சென்றார். “அடையாளம் தெரியாத ஒருவர், நான் பாதுகாப்பாக எனது இடத்திற்கு சென்றடைவதை உறுதி செய்தார்.
ஒரு மருந்துக் கடையில் பேஜிடம் சில்லறை தீர்ந்துபோனபோது, கடைக்காரர் என்னிடம் பணம் எதுவும் வாங்காமல் இலவசமாக ஹேண்ட் சானிடைசரைக் கொடுத்தார். நான் வழி தவறியபோது, ஒரு பெண்மணி என்னை ரயில் நிலையத்தில் நேரில் கொண்டுபோய் விட்டார். மழையில் சிக்கிக்கொண்டபோது, ஒரு உணவக உரிமையாளர் தனது ஸ்கூட்டரில் என்னை அழைத்துச் சென்றார். வெளிநாட்டு விருந்தினர்கள் இந்தியாவைச் சுவைக்க வேண்டும் என்பதற்காகவே, ஒரு வயதான பெண்மணி எனக்கு சூடான பக்கோடாக்களை இலவசமாகக் கொடுத்தார்” என்றார்.
மேலும் பெய்ஜி கூறுகையில், “உண்மையைச் சொல்லப்போனால், இந்தியாவுக்கு வருவதற்கு முன்பு, ஒரு தனிப் பெண்ணாக நான் மிகவும் பயந்தேன். ஆனால் நான் இங்கு உணர்ந்த அன்பை ஒருபோதும் கற்பனை செய்ததில்லை. அதனால்தான் நான் இந்த நாட்டைக் காதலித்தேன்” என்கிறார்.
இந்த வீடியோவை இதுவரை 132,000-க்கும் மேற்பட்டோர் பார்த்துள்ளனர். மேலும் நூற்றுக்கணக்கான பயனர்கள் அதில் கருத்து தெரிவித்துள்ளனர். இந்திய கலாச்சாரத்தை நினைவூட்டும் வகையில் ஒரு பயனர், “எங்கள் நாட்டில், ‘அதிதி தேவோ பவ’ என்று கூறுவோம், அதாவது விருந்தினர்கள் கடவுளைப் போன்றவர்கள்” என்று எழுதியுள்ளார். சிலர் உத்தரகாண்டில் உள்ள அழகான மலைவாசஸ்தலமான லண்டூருக்குச் செல்லுமாறும் அவர்களுக்கு அறிவுரை வழங்கினர்.