டெல்லியில் ரயில்கள், பேருந்துகள், டாக்ஸிகள் உள்ளிட்ட போக்குவரத்துகள் முடக்கப்பட்டுள்ளதும், ஓடும் ரயில்களிலும் விமானங்களிலும் அதிகாரிகள் நுழைந்து அதிரடியாகக் கைது நடவடிக்கைகளை மேற்கொள்வதும் பரபரப்பை ஏற்படுத்தியுள்ளன. ஒருபுறம் டெல்லியில் பாதுகாப்பு நடவடிக்கைகள் தீவிரப்படுத்தப்பட்டதாகக் கூறப்படும் நிலையில், மறுபுறம் இந்தியப் பங்குச்சந்தை வீழ்ச்சி மற்றும் சர்வதேச கணிப்புச் சந்தையான பாலிமார்க்கெட்டில் பிரதமர் நரேந்திர மோடியின் பதவி விலகல் குறித்து வெளியாகியுள்ளதாகக் கூறப்படும் பந்தயம் ஆகியவை பல்வேறு கேள்விகளை எழுப்பியுள்ளன.
டெல்லியில் உண்மையில் என்ன நடக்கிறது? இந்த நிகழ்வுகளுக்கும் பிரதமர் மோடியின் அரசியல் எதிர்காலத்துக்கும் ஏதேனும் தொடர்பு உள்ளதா? அல்லது இவை ஒன்றுக்கொன்று தொடர்பில்லாத சம்பவங்களா என்ற விவாதம் தற்போது முக்கியத்துவம் பெற்றுள்ளது.
பொதுவாக, சந்தேகத்துக்குரிய நபர்கள் அல்லது குற்றவாளிகள் விமான நிலையங்கள், ரயில் நிலையங்கள் உள்ளிட்ட இடங்களில் பாதுகாப்பு அமைப்புகளால் கண்காணிக்கப்பட்டு, உரிய சட்ட நடைமுறைகளின்படி கைது செய்யப்படுவது வழக்கம். ஆனால், தற்போது டெல்லியில் விமானங்களுக்குள்ளும், பயணித்துக் கொண்டிருக்கும் ரயில்களிலும் அதிகாரிகள் நுழைந்து நபர்களைக் கைது செய்வதாகக் கூறப்படுகிறது.
டெல்லிக்குள் ரயில்கள் வருவதற்குத் தடை விதிக்கப்பட்டுள்ளது. பேருந்துகள் மற்றும் டாக்ஸிகள் நகருக்குள் நுழைய முடியாத அளவுக்குப் போக்குவரத்துக் கட்டுப்பாடுகள் அமல்படுத்தப்பட்டுள்ளது. இது உண்மையாக இருந்தால், அவற்றுக்குப் பின்னால் என்ன காரணம், எந்தப் பாதுகாப்பு அமைப்பு நடவடிக்கை எடுத்தது, எத்தனை பேர் கைது செய்யப்பட்டனர், எந்தச் சட்டத்தின் கீழ் நடவடிக்கை மேற்கொள்ளப்பட்டது போன்ற கேள்விகளுக்கு அதிகாரப்பூர்வ விளக்கங்கள் அவசியமாகின்றன.
ஆனாலும், டெல்லி முழுவதும் முடக்கப்பட்டுள்ளது. விமானங்கள் மற்றும் ரயில்களில் இத்தகைய கைது நடவடிக்கைகள் மேற்கொள்ளப்பட்டுள்ளது.
இந்த விவகாரத்தில் மற்றொரு முக்கிய அம்சமாக இந்தியப் பங்குச்சந்தையின் செயல்பாடுகள் முன்வைக்கப்படுகின்றன. கடந்த இரண்டு மாதங்களில் இந்தியப் பங்குச்சந்தை சுமார் 30 சதவீதம் வீழ்ச்சியடைந்துள்ளது. இதற்கிடையே, அமெரிக்காவைச் சேர்ந்த பாலிமார்க்கெட் கணிப்புச் சந்தையில் பிரதமர் மோடி 2026 டிசம்பர் 31-க்குள் அல்லது 2027 ஜூன் 30-க்குள் பதவி விலகுவாரா என்ற கேள்வியை மையமாகக் கொண்டு பந்தயம் உருவாக்கப்பட்டுள்ளது.
பாலிமார்க்கெட்டில் மோடியின் பதவி விலகல் குறித்த கணிப்புச் சந்தை உருவாக்கப்பட்டிருப்பதை வைத்து, இந்திய அரசியலில் எதிர்காலத்தில் ஏற்படக்கூடிய மாற்றங்கள் குறித்த ரகசியத் தகவல்கள் அமெரிக்க உளவு அமைப்புகளுக்குக் கிடைத்திருக்கலாம் என்ற ஊகங்களும் முன்வைக்கப்படுகின்றன.
பாலிமார்க்கெட் கணிப்புச் சந்தையில் சுமார் 80 சதவீதம் பேர் மோடி பதவி விலகமாட்டார் என்ற வாய்ப்பையும், 20 சதவீதம் பேர் அவர் பதவி விலகக்கூடும் என்ற வாய்ப்பையும் ஆதரிப்பதாகக் கூறப்படுகிறது.
டெல்லியில் போக்குவரத்துக் கட்டுப்பாடுகள், விமானங்கள் மற்றும் ரயில்களில் கைது நடவடிக்கைகள், பங்குச்சந்தை வீழ்ச்சி, பாலிமார்க்கெட்டில் மோடியின் பதவி விலகல் குறித்த கணிப்பு எனப் பல்வேறு தகவல்கள் ஒன்றாக இணைக்கப்பட்டு அரசியல் மாற்றம் குறித்த கேள்விகள் எழுப்பப்படுகின்றன.
பாலிமார்க்கெட் கணிப்புச் சந்தையில் மோடியின் பதவி விலகல் குறித்த பந்தயம் இருப்பதாகக் கூறப்படும் விவகாரம், இந்திய அரசியலின் எதிர்காலம் குறித்த விவாதங்களுக்கு வழிவகுத்துள்ளது.