டெல்லியில் உள்ள இந்திரா காந்தி உள்விளையாட்டு அரங்கில் நடைபெற்ற ‘விக்சித் பாரத் சங்கல்ப் சபா’ (சேவா ஜோதி யாத்திரை) நிகழ்ச்சியில், பிரதமர் நரேந்திர மோடி உரையாற்றினார்.
பிரதமர் நரேந்திர மோடி அவர்கள், நாட்டின் தலைமைப் பொறுப்பில், அதாவது குஜராத் முதலமைச்சராகவும், இந்தியப் பிரதமராகவும் 25 ஆண்டுகள் பொதுச் சேவையை நிறைவு செய்ததை முன்னிட்டு இந்த நிகழ்ச்சி ஏற்பாடு செய்யப்பட்டது.
2001ஆம் ஆண்டு அக்டோபர் 7ஆம் தேதி, நரேந்திர மோடி முதன்முறையாக குஜராத் முதலமைச்சராகப் பதவியேற்றார். அன்று முதல் இன்று வரை, முதலமைச்சராகவும் பிரதமராகவும் தொடர்ந்து 25 ஆண்டுகள் பொதுநிர்வாகத் தலைவராகப் பணியாற்றியுள்ளதை கொண்டாடும் வகையில், டெல்லி பா.ஜ.க. சார்பில் ‘சேவா சங்கல்ப் அபியான்’ திட்டத்தின் கீழ் இந்த நிகழ்ச்சி ஒருங்கிணைக்கப்பட்டது.
தனது 25 ஆண்டுகாலப் பயணம் தனிப்பட்ட புகழுக்காகவோ, அரசியல் லட்சியத்திற்காகவோ அமைந்தது அல்ல என்றும், அது நாட்டு மக்களுக்காக அர்ப்பணிக்கப்பட்ட ஒரு தொண்டு மற்றும் சேவைப் பயணம் என்றும் பிரதமர் நரேந்திர மோடி குறிப்பிட்டார்.
25 ஆண்டுகளுக்கு முன்பு, தனது 50 வயது வரை, காடுகளிலும் மலைப் பகுதிகளிலும் வசிக்கும் பழங்குடியின மக்களுக்காகச் சேவையாற்றியதையும், கட்சிப் பணிகளை மேற்கொண்டதையும் அவர் நினைவுகூர்ந்தார்.
தனக்கு வாக்களித்து, தொடர்ந்து 25 ஆண்டுகள் நாட்டின் உயரிய பொறுப்புகளில் அமர்த்தி, மக்களுக்குச் சேவை செய்ய வாய்ப்பளித்த இந்திய மக்களுக்கு தனது நன்றியையும் மரியாதையையும் பிரதமர் தெரிவித்தார்.
வரும் 2047ஆம் ஆண்டுக்குள் விக்சித் பாரத் எனப்படும் வளர்ச்சியடைந்த இந்தியாவை உருவாக்குவது, சுயசார்பு இந்தியாவை கட்டியெழுப்புவது மற்றும் இந்தியாவை உலகளாவிய உற்பத்தி மையமாக மாற்றுவது ஆகியவையே தற்போதைய முக்கிய இலக்குகள் என்று பிரதமர் கூறினார்.
மேலும், 2047ஆம் ஆண்டிற்குள் இந்தியாவை வல்லரசு நாடாக மாற்றும் ‘விக்சித் பாரத்’ இலக்கை அடைவதில் தனக்கு அசைக்க முடியாத நம்பிக்கை இருப்பதாகவும் அவர் தெரிவித்தார்.
விண்வெளித் துறையில் இந்தியாவின் சாதனைகளை மேலும் விரிவுபடுத்துவதுடன், ஒலிம்பிக் போட்டிகளை இந்தியாவில் நடத்துவதற்கான நாட்டின் விருப்பத்தையும் பிரதமர் இந்த மேடையில் மீண்டும் உறுதிப்படுத்தினார்.
தனது 25 ஆண்டுகாலப் பொதுச் சேவையைப் பற்றி பேசிய பிரதமர், மாநில சட்டமன்றத் தேர்தல்கள் மற்றும் நாடாளுமன்றத் தேர்தல்கள் மூலம் மக்கள் தொடர்ந்து தன் மீது நம்பிக்கை வைத்துள்ளதாகக் குறிப்பிட்டார். இதற்கு முழுமுதற் காரணமாக விளங்கிய இந்திய ஜனநாயகத்திற்கும் அதன் உன்னதமான அரசியலமைப்புச் சட்டத்திற்கும் தனது ஆழ்ந்த மரியாதையையும் நன்றியையும் அவர் தெரிவித்துக் கொண்டார்.
பொதுவாக அரசியல் மேடைகளில் எதிர்த்தரப்பினரை விமர்சிப்பது வழக்கமாக இருக்கும் நிலையில், இந்த நிகழ்ச்சியில் பிரதமர் மோடி தனது 25 ஆண்டுகால ஆட்சிப் பயணத்தைப் பற்றி பேசும்போது, தன்னை எதிர்த்தவர்களுக்கும் நன்றி தெரிவித்தார்.
“என்னை எதிர்த்தவர்கள், ஜனநாயகத்தின் உண்மையான வலிமையை எனக்குக் கற்றுக்கொடுத்தார்கள்” என்று கூறிய அவர், அவர்களுக்கும் தனது நன்றியைத் தெரிவித்தார். அதேபோல், தனது நலம் விரும்பிகள் எப்போதும் தனக்கு ஊக்கமளித்ததாகவும் பிரதமர் குறிப்பிட்டார்.
இந்த நிகழ்ச்சியில் பங்கேற்பதற்கு முன்பாக, அக்டோபர் 7ஆம் தேதி அதிகாலையில் டெல்லியில் உள்ள புகழ்பெற்ற ஸ்ரீ விநாயகர் கோயிலுக்குச் சென்ற பிரதமர் மோடி, நாட்டின் நலம் மற்றும் மக்களின் நல்வாழ்வுக்காக சிறப்பு வழிபாடுகளையும் பிரார்த்தனைகளையும் மேற்கொண்டார்.
இதுகுறித்து மேடையில் பேசிய அவர், “இன்று காலை விநாயகரைத் தரிசித்தபோது, நாட்டுக்காகவும், 140 கோடி இந்திய மக்களுக்காகவும் பிரார்த்தனை செய்தேன். அதோடு, எனக்காகவும் ஒரு தனிப்பட்ட வரத்தைக் கேட்டேன்” என்று தெரிவித்தார்.
அவர் கேட்ட வரம் குறித்து விளக்கிய பிரதமர், “நாட்டு மக்களுக்காக இன்னும் கூடுதல் ஆற்றலோடும் உத்வேகத்தோடும் உழைப்பதற்கான சக்தியையும் திறனையும் இறைவா எனக்குக் கொடு” என்று வேண்டிக் கொண்டதாகக் கூறினார்.
இந்திரா காந்தி உள்விளையாட்டு அரங்கில் நடைபெற்ற இந்த நிகழ்ச்சி, நாடு முழுவதும் நடைபெறும் ‘சேவா சங்கல்ப் அபியான்’ நிகழ்வுகளின் முக்கிய மையப்புள்ளியாக அமைந்தது.
இந்த இயக்கத்தின் கீழ், அசாம், ஜம்மு-காஷ்மீர் முதல் தெலங்கானா வரை இந்தியாவின் அனைத்து மாநிலங்களிலும் ‘சேவா ஜோதி கலச யாத்திரை’ மற்றும் பல்வேறு மக்கள் நலத்திட்டங்கள் ஒரே நேரத்தில் தொடங்கப்பட்டுள்ளன.
நிகழ்ச்சி தொடங்குவதற்கு முன்பாக, டெல்லியின் பல்வேறு பகுதிகளில் இருந்து பா.ஜ.க. தொண்டர்கள் மற்றும் பொதுமக்கள் பங்கேற்ற ‘சேவா ஜோதி பேரணிகள்’ நடத்தப்பட்டு, அனைவரும் இந்திரா காந்தி உள்விளையாட்டு அரங்கிற்கு வந்தடைந்தனர்.
இந்த மாபெரும் விழாவில் 5,000-க்கும் மேற்பட்டோர் கலந்து கொண்டு பிரதமர் நரேந்திர மோடிக்கு உற்சாக வரவேற்பு அளித்தனர்.
தனது உரையில், 2047ஆம் ஆண்டுக்குள் இந்தியாவை வல்லரசு நாடாக மாற்றும் இலக்கை நோக்கிப் பேசும்போது, பிரதமர் மோடி மிகுந்த உணர்ச்சியுடன், “We will do it, we will do it” — “நாம் அதைச் செய்வோம், நாம் அதைச் சாதிப்போம்!” என்று முழங்கினார்.
நாட்டின் மீதான மக்களின் நம்பிக்கையும், பா.ஜ.க. தொண்டர்களின் பலமுமே சவால்களை எதிர்கொள்ள தனக்குக் கிடைத்த மிகப்பெரிய ஆற்றல் என்றும் பிரதமர் நெகிழ்ச்சியுடன் தெரிவித்தார்.
பிரதமர் நரேந்திர மோடியின் 25 ஆண்டுகால மக்கள் சேவையைக் கொண்டாடும் வகையில் ஏற்பாடு செய்யப்பட்டுள்ள ‘சேவா சங்கல்ப் அபியான்’, வெறும் ஒரு நாள் நிகழ்ச்சியாக மட்டுமல்லாமல், ஒரு மாத கால தொடர் மக்கள் சேவை இயக்கமாக நாடு முழுவதும் திட்டமிடப்பட்டுள்ளது.
இந்த இயக்கம் செப்டம்பர் 17ஆம் தேதி முதல் அக்டோபர் 17ஆம் தேதி வரை ஒரு மாத காலத்திற்கு முழு வீச்சில் நடைபெறுகிறது. இதன் ஒரு பகுதியாக, நாடு முழுவதும் ரத்த தான முகாம்கள், ஏழைகளுக்கான மருத்துவ உதவிகள் உள்ளிட்ட 12 வெவ்வேறு வகையான மக்கள் நலத் திட்டங்களை பா.ஜ.க. முன்னெடுத்துள்ளது.
தனது 25 ஆண்டுகால பொதுச் சேவைப் பயணத்தை நினைவுகூர்ந்த பிரதமர் நரேந்திர மோடி, நாட்டின் ஜனநாயக அமைப்பு, அரசியலமைப்புச் சட்டம், இந்திய மக்கள் மற்றும் தன்னைத் தொடர்ந்து ஆதரித்து வரும் பா.ஜ.க. தொண்டர்களுக்கு தனது ஆழ்ந்த நன்றியைத் தெரிவித்ததுடன், 2047ஆம் ஆண்டுக்குள் வளர்ச்சியடைந்த, சுயசார்பு மற்றும் உலகளாவிய உற்பத்தி மையமாகத் திகழும் இந்தியாவை உருவாக்குவதே தனது தொடர்ச்சியான இலக்கு என்று உறுதிபடத் தெரிவித்தார்.