80-களின் நினைவுகள் என்றால் நமக்கு உடனே நினைவுக்கு வருவது பெல்பாட்டம் பேன்ட், பொங்கும் சுருள் முடி, அப்புறம் ‘ரஜினி-கமல்’ படங்கள் தான். ஆனால், நம்ம ஊரு அரசியல் கட்சிகளுக்கு என்ன தோணியிருக்கு தெரியுமா? “அடடா… இந்த 80s லுக் வச்சு எதிர்க்கட்சியை எப்படிலாம் கலாய்க்கலாம்!” அப்படின்னு யோசிச்சு, இப்போ சோசியல் மீடியால ‘AI டைம் மெஷின்’ யுத்தத்தையே ஆரம்பிச்சுட்டாங்க. பாஜக – காங்கிரஸ் இடையிலான வழக்கம் போல நடக்கும் ‘ட்விட்டர் சண்டை’ இப்போ AI தொழில்நுட்பத்தால் புது வடிவம் எடுத்திருக்கு.
ஆம்னி வேனும்… வழுக்கைத் தலையும்
முதலில் ‘ஆக்ஷன்’ பட்டனை தட்டியது கேரள காங்கிரஸ். 80-களின் ஸ்டைலில் உருவாக்கப்பட்ட ஒரு AI படத்தை இறக்கினாங்க. அதுல என்ன இருந்தது? ஒரு மாருதி ஆம்னி வேன். (90s கிட்ஸ் வரைக்கும் ‘கடத்தல் வேன்’-னாலே இதுதானே!)முன் சீட்ல அமர்ந்திருக்கும் ஒரு வழுக்கைத் தலை நபர்.சுவர்ல ஒரு போஸ்டர்: “தயவுசெய்து சிரியுங்கள், நீங்கள் டெல்லியில் இருக்கிறீர்கள்” (இந்தியில்).கேப்ஷன்: “80-களில் ஒரு குஜராத் வீதி…””பார்த்தீங்களா… நாங்க சைலன்ட்டா தான் சொல்வோம், ஆனா செய்தி சுள்ளுனு போய் சேரும்!” அப்படின்னு காங்கிரஸ் மைண்ட் வாய்ஸ்ல சிரிச்சுக்க, இந்த பதிவு சோசியல் மீடியால காட்டுத்தீயா பரவத் தொடங்கிடுச்சு.
இத்தாலி பார்… பதிலடி கார்
காங்கிரஸ் ‘ஆம்னி வேன்’ விட்டா, பாஜக சும்மா இருக்குமா? தெலங்கானா மற்றும் கேரள பாஜக பிரிவுகள் உடனே தங்களோட AI பிரம்மாண்டத்தைப் இறக்கினாங்க. ஒரு 70s-80s ஸ்டைல் பார் (Bar) செட்டப். நடுவுல சிவப்பு நிற ஆடையில ஒரு பெண் நடனமாடுறாங்க. சுற்றிலும் மது பாட்டில்கள்.கேப்ஷன்: “லூசியானா, இத்தாலி. 1970-கள்!”யார் பேரையும் நேரடியாகச் சொல்லலையாம்! ஆனா, ‘லூசியானா’ங்கிறது சோனியா காந்தி பிறந்த இடம்னு கூகுள் பண்ணாமலே கண்டுபிடிச்ச நெட்டிசன்கள், “அடடே… பாஜகவோட ‘ரிவர்ஸ் பதிவு வேற லெவல்ல இருக்கே”னு கமெண்ட் அடிக்க ஆரம்பிச்சுட்டாங்க.
மக்கள் மனசுல என்ன ஓடுது?தமிழ் சினிமாவுல ரெண்டு பெரிய ரவுடிகள் சண்டை போடும்போது இடையில சிக்குற அப்பாவி பொதுஜனம் மாதிரி, நாமதான் இதை வேடிக்கை பார்க்க வேண்டியிருக்கு.கட்சிAI பயன்படுத்திய விதம்மறைமுகத் தாக்குதல் காங்கிரஸ் ஆம்னி வேன் + டெல்லி போஸ்டர் குஜராத் மற்றும் டெல்லி பாஜக தலைவர்கள் பாஜக 1970-களின் இத்தாலி பார் செட்டப் சோனியா காந்தியின் பின்னணி.
நாட்டின் முக்கியப் பிரச்சனைகளைப் பற்றி விவாதிக்க வேண்டிய இரு பெரும் தேசியக் கட்சிகள், இப்படி “யார் நல்லா போட்டோஷாப்/AI பண்றா?” அப்படின்னு போட்டி போட்டுட்டு இருக்கிறதைப் பார்த்தா சிரிப்பா தான் வருது. 80-கள்ல நிஜமாவே ‘ப்ராம்ப்ட்’ (Prompt) கொடுத்து AI படம் பண்ற வசதி இருந்திருந்தா, நிஜமாவே இந்த அரசியல்வாதிகள் ‘க்ரியேட்டிவ் டைரக்டர்’ ஆகியிருப்பாங்க போல! எது எப்படியோ… மக்களுக்கு நல்லா ஃப்ரீயா ஏஐ என்டர்டெயின்மென்ட் கிடைக்குது.