டாம் குரூஸ் ‘டாப்ளிகேஞ்சர்’ என்ற புதிய படத்தில் ஒப்பந்தமாகியுள்ளதாகக் கூறப்படுகிறது. சமீபத்தில் ‘மிஷன்: இம்பாசிபிள்’ படத்தின் மூலம் ஒரு முக்கிய பாத்திரத்தில் நடித்து முடித்துள்ளார்., தற்போது பேச்சுவார்த்தையில் உள்ள ‘டாப்ளிகேஞ்சர்’ படத்தை, தெலுங்கு இயக்குநர் அனீஷ் சகாந்தி இயக்குவார் என்று கூறப்படுகிறது.
அனீஷ், 2018-ல் வெளியான ‘செர்ச்சிங்’ என்ற திரில்லர் படத்தின் மூலம் அறிமுகமானார். அனீஷ் ஒரு தெலுங்கு குடும்பத்தில் பிறந்தவர். அவரது பெற்றோர் 1980-ல் ஆந்திரப் பிரதேசத்தில் இருந்து குடிபெயர்ந்தவர்கள். அவரது ‘மிஸ்ஸிங்’ படமும் உலகெங்கிலும் உள்ள ரசிகர்களால் பெரிதும் பாராட்டப்பட்டது.
‘டாப்ளிகேஞ்சர்’ மற்றொரு உளவாளி திரில்லர் படமாக உருவாகிறது. இது, திரையில் பழைய டாம் குரூஸை மீண்டும் கொண்டு வரும் என்று எதிர்பார்க்கப்படுகிறது. டாம் குரூஸ் உளவாளி திரில்லர் படங்களில் நடித்து தனது பயணத்தைத் தொடங்கினார். ‘மிஷன்: இம்பாசிபிள்’ படத்தின் அனைத்து பாகங்களிலும், சமீபத்திய படமான ‘தி ஃபைனல் ரெக்கனிங்’ உட்பட, ஒரு பகுதியாக இருந்தார்.
இந்தப் படத்தில், டாம் இரட்டை வேடத்தில் நடிப்பார் என்று கூறப்படுகிறது. அவர், வீர் என்ற சிஐஏ ஏஜென்ட் கதாபாத்திரத்தில் நடிப்பார் எனக் கூறப்படுகிறது. தன்னைப் போலவே தோற்றமளிக்கும் ஒருவரை ரஷ்யா தனது உளவாளியாகப் பணியமர்த்தியுள்ளது என்பதை அறிந்ததும் அவரது வாழ்க்கை மாறுகிறது. அந்த உருவ ஒற்றுமை கொண்டவரை ஒரு உளவாளியாகப் பயன்படுத்துவதே திட்டம். ரியான் கூக்லர், ஸின்ஸி கூக்லர், செவ் ஓஹானியன், அனீஷ் மற்றும் நடாலி கசாபியன் ஆகியோர் ‘டாப்ளிகேஞ்சர்’ என்ற இந்தப் படத்தைத் தயாரிக்கின்றனர். மறுபுறம், டாம் இந்த ஆண்டின் பிற்பகுதியில் ‘டிக்ர்’ என்ற படத்தில் நடிக்க உள்ளார்.