இஸ்ரேல், அமெரிக்காவுடனான ஈரானின் பதற்றங்கள் தொடர்கின்றன. மேற்கு ஆசியாவின் மீது போர் மேகங்கள் சூழ்ந்துள்ளன. சமீபத்திய மோதலில், ஏவுகணைகள், ட்ரோன்களில் ஈரான் தனது வலிமையை வெளிப்படுத்தியது. ஆனால் அதன் விமானப்படை பலவீனமாக இருப்பது தெரியவந்துள்ளது. இப்போத, இந்த பலவீனத்தை சரிசெய்ய ஈரான் நடவடிக்கைகளை எடுத்துள்ளது. ஈரானுக்கு போர் விமானங்களை வழங்க ரஷ்யா முன்வந்துள்ளது. ஈரான் விரைவில் ரஷ்யாவிடம் இருந்து போர் விமானங்களைப் பெறக்கூடும். இது சந்தேகத்திற்கு இடமின்றி அமெரிக்கா, இஸ்ரேலுக்கு இடையிலான பதற்றங்களை அதிகரிக்கும்.
ஒரு பட்டாலியனுக்கு இணையான 12 எஸ்யு-30 எஸ்எம்2 போர் விமானங்களை மாஸ்கோவிடமிருந்து வாங்குவதற்கான ஒப்பந்தத்தில் ஈரானின் பாதுகாப்பு அமைச்சகம் கையெழுத்திட்டுள்ளதாகத் தெரிவித்துள்ளது. ஆனாலும், இந்த விமானங்கள் புதியவை அல்ல. பழையவை. இதன் பொருள், அரிதாகவே பறந்த, பயன்படுத்தப்பட்ட ஜெட் விமானங்களை ரஷ்யாவிடமிருந்து ஈரான் பெறும்.
ரஷ்யாவில் இருந்து ஈரானுக்கான விமானங்களின் விநியோகம் 2027-ஆம் ஆண்டின் மத்தியில் தொடங்கும் என்றும், 12 ஜெட் விமானங்களும் இந்த ஆண்டின் இறுதிக்குள் வந்து சேரும் என்றும் எதிர்பார்க்கப்படுகிறது. ஈரானுக்குத் தேவையான உள்கட்டமைப்பை வழங்குவதற்கான ஏற்பாடுகள் விரைவில் தொடங்கும் என எதிர்பார்க்கப்படுகிறது. அமெரிக்கா, இஸ்ரேல் மற்றும் அவற்றின் கூட்டாளிகளுடன் ஈரான் போரில் ஈடுபட்டுள்ளதால், இந்த ஒப்பந்தம் ஈரானுக்கு மிகவும் முக்கியமானது.
2025-ஆம் ஆண்டின் பிற்பகுதியில் கசிந்த ரஷ்ய அரசாங்க ஆவணங்கள், ஈரானிய விமானப்படையை மீண்டும் ஆயுதமயமாக்குவதற்காக ரஷ்யா 48 எஸ்யு-35 ரக போர் விமானங்களை வழங்கவிருந்ததை வெளிப்படுத்தின. முந்தைய அறிக்கைகள் 2022-ஆம் ஆண்டில் இந்த விமானங்களுக்கான ஆர்டர் இருக்கும் என்று குறிப்பிட்டிருந்தன. ஈரானின் பாதுகாப்பு அமைச்சகம் ரஷ்யாவிடமிருந்து ஜெட் விமானங்களை வாங்குவதற்கான பணிகளில் ஈடுபட்டுள்ளதாக பல அறிக்கைகள் குறிப்பிடுகின்றன.
ஈரான் தனது சுமார் 300 பத்தாண்டுகள் பழமையான போர் விமானங்களுக்குப் பதிலாக ரஷ்ய விமானங்களை வாங்க விரும்புகிறது. எஸ்யு-30, எஸ்எம்2, எஸ்யு-35 விமானத்தில் உள்ள அதே ஏஎல்-4ஐஎஃப்-1 எஸ் இன்ஜினைப் பயன்படுத்துகிறது. இரண்டுக்கும் பராமரிப்பு, செயல்பாடுகளில் குறிப்பிடத்தக்க ஒற்றுமைகள் உள்ளன. இரண்டுமே சோவியத்தின் எஸ்யு-27 வான் மேலாதிக்கப் போர் விமானத்தின் மேம்படுத்தப்பட்ட பதிப்புகளாகும்.
எஸ்யு-30 எஸ்எம்2, விமானத்தின் விலை எஸ்யு-35 விமானத்தை விட 40 சதவீதம் குறைவு. அதனைப் பராமரிப்பதும் இயக்குவதும் எளிது. ஆனாலும் அந்தப் போர் விமானத்தின் பல மேம்பட்ட அம்சங்கள் இதில் இல்லை. எஸ்யு-30 விமானத்தின் குறைந்த விலை, எளிதான பராமரிப்பு, ஏறக்குறைய சமமான செயல்திறன் ஆகியவை அதனை ஏற்றுமதி சந்தையில் மிகவும் பிரபலமாக்கியுள்ளன.
எஸ்யு-30, எஸ்எம்2, என்பது ரஷ்ய விண்வெளிப் படைகளுக்காகத் தயாரிக்கப்படும் நான்கு போர் விமானங்களில் ஒன்று. இதில், ஏறக்குறைய அதே விலையுள்ள எஸ்யு-34 எம் தாக்குதல் போர் விமானம், எஸ்யு-35 எஸ் வான் மேலாதிக்கப் போர் விமானம், மற்றும் இரண்டு மடங்குக்கும் அதிகமான விலை கொண்ட ஐந்தாம் தலைமுறை எஸ்யு-57 போர் விமானம் ஆகியவையும் அடங்கும்.