தமிழ்நாடு முதலமைச்சர் சி. ஜோசப் விஜய் அவர்களை, இந்திய ரிசர்வ் வங்கியின் ஆளுநர் சஞ்சய் மல்கோத்ரா இன்று (ஆகஸ்ட் 21, 2026) சென்னை தலைமைச் செயலகத்தில் நேரில் சந்தித்துப் பேசினார். இந்தச் சந்திப்பின்போது தமிழகத்தின் வங்கி நடைமுறைகள், மாநிலத்தின் பொருளாதார வளர்ச்சி, நிதிநிலை மற்றும் எதிர்கால நிதி மேலாண்மை தொடர்பான முக்கிய விவகாரங்கள் குறித்து இருதரப்பினரும் ஆலோசித்ததாகத் தெரிவிக்கப்பட்டுள்ளது.
ரிசர்வ் வங்கி ஆளுநர் சஞ்சய் மல்கோத்ரா இன்று காலை சுமார் 9.30 மணியளவில் சென்னை தலைமைச் செயலகத்திற்கு வருகை தந்தார். அங்கு முதலமைச்சர் ஜோசப் விஜய்யை நேரில் சந்தித்து ஆலோசனை நடத்தினார். இந்தச் சந்திப்பில் தமிழக அரசின் தலைமைச் செயலாளர் மு. சாய்குமார் மற்றும் இந்திய ரிசர்வ் வங்கியின் தமிழ்நாடு மற்றும் புதுச்சேரி மண்டல அதிகாரிகள் உள்ளிட்டோர் பங்கேற்றனர்.
சந்திப்பின்போது, தமிழ்நாட்டின் வங்கி நடைமுறைகள், மாநிலத்தின் தற்போதைய பொருளாதார நிலவரம், நிதி நிர்வாகம் மற்றும் பொருளாதார வளர்ச்சியை அடுத்தகட்டத்திற்கு கொண்டு செல்வதற்கான நடவடிக்கைகள் குறித்து விரிவாக ஆலோசிக்கப்பட்டதாகக் கூறப்படுகிறது. குறிப்பாக, மாநிலத்தின் நிதி நிலைத்தன்மை மற்றும் வளர்ச்சித் திட்டங்களுக்கு தேவையான நிதி ஆதாரங்கள் தொடர்பாகவும் ஆலோசனை நடைபெற்றதாகத் தெரிகிறது.
ரிசர்வ் வங்கி ஆளுநர் முதலமைச்சரைச் சந்தித்திருப்பது, தமிழக அரசுக்கும் இந்திய ரிசர்வ் வங்கிக்கும் இடையிலான ஒருங்கிணைப்பில் முக்கியமான சந்திப்பாக பார்க்கப்படுகிறது. குறிப்பாக, மாநிலத்தின் பொருளாதார வளர்ச்சி மற்றும் வங்கித்துறையின் செயல்பாடுகள் தொடர்பாக உயர்மட்ட அளவில் ஆலோசனை நடைபெற்றிருப்பது கவனம் பெற்றுள்ளது.
ரிசர்வ் வங்கி ஆளுநரின் இந்தச் சந்திப்புக்கு முன்னதாக, கடந்த ஆகஸ்ட் 14ஆம் தேதி ரிசர்வ் வங்கியின் தமிழ்நாடு மற்றும் புதுச்சேரி மண்டல இயக்குநர் திருமதி உமா சங்கர் தலைமையிலான உயர்மட்ட அதிகாரிகள் குழுவும் முதலமைச்சர் விஜய்யை சென்னை தலைமைச் செயலகத்தில் நேரில் சந்தித்து ஆலோசனை நடத்தியிருந்தது. அந்தச் சந்திப்பு நடைபெற்ற ஒரு வாரத்திற்குள், ரிசர்வ் வங்கி ஆளுநரே நேரடியாக முதலமைச்சரைச் சந்தித்திருப்பது கூடுதல் கவனம் பெற்றுள்ளது.
தமிழகத்தில் தமிழக வெற்றிக் கழக அரசு பொறுப்பேற்று மூன்று மாதங்கள் நிறைவடைந்துள்ள நிலையில் இந்த உயர்மட்டச் சந்திப்பு நடைபெற்றுள்ளது. புதிய அரசு தனது முதல் பட்ஜெட்டை அண்மையில் தாக்கல் செய்துள்ள நிலையில், மாநிலத்தின் வருவாய், செலவினம், கடன் நிலை மற்றும் எதிர்கால வளர்ச்சித் திட்டங்களுக்கான நிதி மேலாண்மை ஆகியவை முக்கியத்துவம் பெற்றுள்ளன.
கடந்த ஆகஸ்ட் 5ஆம் தேதி தமிழகத்தின் புதிய பட்ஜெட் தாக்கல் செய்யப்பட்டது. இதனைத் தொடர்ந்து, மாநிலத்தின் நிதி நிர்வாகத்தை வலுப்படுத்துவதற்கான நடவடிக்கைகள் குறித்து அரசு கவனம் செலுத்தி வருகிறது. இந்த நிலையில், ரிசர்வ் வங்கி ஆளுநருடனான முதலமைச்சரின் சந்திப்பு முக்கியத்துவம் வாய்ந்ததாக பார்க்கப்படுகிறது.
அதேபோல், கடந்த ஆகஸ்ட் 13ஆம் தேதி சென்னையில் நடைபெற்ற முதலீட்டாளர்கள் மாநாட்டில், ரூ.1 லட்சம் கோடிக்கும் அதிகமான முதலீடுகளுக்கான புரிந்துணர்வு ஒப்பந்தங்கள் ஈர்க்கப்பட்டதாக தெரிவிக்கப்பட்டது. தமிழகத்தில் புதிய தொழில் முதலீடுகள் அதிகரிக்கும் சூழலில், மாநிலத்தின் அடுத்தகட்ட பொருளாதார வளர்ச்சி மற்றும் அதற்கான நிதி மேலாண்மை குறித்தும் இந்தச் சந்திப்பில் ஆலோசிக்கப்பட்டிருக்கலாம் எனக் கூறப்படுகிறது.
முதலமைச்சர் விஜய் தமிழகத்தின் முதலமைச்சராகப் பொறுப்பேற்ற பின்னர், முந்தைய ஆட்சியால் மாநிலத்தின் கருவூலம் காலியாகிவிட்டதாகவும், மாநிலத்தின் கடன் சுமை அதிகரித்துள்ளதாகவும் குற்றம்சாட்டியிருந்தார். இந்த நிலையில், மாநிலத்தின் நிதிநிலையை மேம்படுத்துவது மற்றும் பொருளாதார வளர்ச்சியை வேகப்படுத்துவது புதிய அரசுக்கு முக்கிய சவாலாக உள்ளது.
இந்தச் சூழலில், இந்திய ரிசர்வ் வங்கியின் ஆளுநர் நேரடியாக சென்னை வந்து முதலமைச்சரைச் சந்தித்திருப்பது, தமிழகத்தின் நிதி நிர்வாகம் மற்றும் பொருளாதார வளர்ச்சி தொடர்பான விவகாரங்களில் முக்கியத்துவம் பெற்றதாக பார்க்கப்படுகிறது. மாநிலத்தின் வங்கித்துறை செயல்பாடுகள், முதலீட்டு வளர்ச்சி, தொழில் நிறுவனங்களுக்கான நிதி வசதிகள் உள்ளிட்ட பல்வேறு அம்சங்கள் குறித்தும் ஆலோசனை நடைபெற்றிருக்கலாம் என எதிர்பார்க்கப்படுகிறது.
இதனிடையே, ரிசர்வ் வங்கி ஆளுநரைச் சந்தித்ததைத் தொடர்ந்து, முதலமைச்சர் விஜய் விரைவில் மூன்று நாள் அரசுமுறைப் பயணமாக புதுடெல்லி செல்ல உள்ளதாக தகவல்கள் தெரிவிக்கின்றன. இந்தப் பயணத்தின்போது பிரதமர் நரேந்திர மோடி மற்றும் மத்திய நிதியமைச்சர் நிர்மலா சீதாராமன் ஆகியோரை முதலமைச்சர் விஜய் சந்திக்க உள்ளதாகக் கூறப்படுகிறது.
இந்தச் சந்திப்புகளில் தமிழகத்திற்கான முக்கிய நிதித் தேவைகள், மாநிலத்தின் வளர்ச்சித் திட்டங்கள் மற்றும் மத்திய அரசிடம் இருந்து எதிர்பார்க்கப்படும் நிதி ஒதுக்கீடுகள் உள்ளிட்ட பல்வேறு கோரிக்கைகள் குறித்து முதலமைச்சர் விஜய் ஆலோசனை நடத்த உள்ளதாகத் தெரிவிக்கப்பட்டுள்ளது. தமிழகத்தின் வளர்ச்சித் திட்டங்களுக்கு தேவையான மத்திய நிதி மற்றும் ஒத்துழைப்பை பெறுவது தொடர்பாகவும் இந்தப் பயணம் முக்கியத்துவம் பெறும் என எதிர்பார்க்கப்படுகிறது.
ஒருபுறம் ரிசர்வ் வங்கி ஆளுநருடனான ஆலோசனை, மறுபுறம் மத்திய அரசின் முக்கிய தலைவர்களுடனான சந்திப்பு என, தமிழகத்தின் நிதி மற்றும் பொருளாதார விவகாரங்களில் புதிய அரசு அடுத்தகட்ட நடவடிக்கைகளில் தீவிரம் காட்டி வருவதாக பார்க்கப்படுகிறது.
தமிழகத்தின் முதல் பட்ஜெட் தாக்கல் செய்யப்பட்டு, சென்னையில் நடைபெற்ற முதலீட்டாளர்கள் மாநாட்டின் மூலம் புதிய முதலீடுகள் ஈர்க்கப்பட்டுள்ள நிலையில், ரிசர்வ் வங்கி ஆளுநரின் முதலமைச்சர் விஜய் சந்திப்பு முக்கியத்துவம் பெற்றுள்ளது.
இந்த ஆலோசனைகளின் தொடர்ச்சியாக, தமிழகத்தின் நிதி நிர்வாகம், வங்கித்துறை ஒத்துழைப்பு மற்றும் பொருளாதார வளர்ச்சியில் அடுத்தகட்டமாக என்ன நடவடிக்கைகள் மேற்கொள்ளப்பட உள்ளன என்பது எதிர்பார்ப்பை ஏற்படுத்தியுள்ளது.