தமிழ் மக்களுக்கு என்னுடைய மிகப்பெரிய நன்றியைத் தவிர வேறு எதையும் இப்போது சொல்லத் தோன்றவில்லை. உங்களிடம் என் நன்றியை எப்படி வார்த்தைகளால் வெளிப்படுத்துவது என்பதே எனக்குத் தெரியவில்லை. அவ்வளவு அன்பையும் பாசத்தையும் என் மீது நீங்கள் வைத்திருக்கிறீர்கள்.
‘லப்பர் பந்து’ படமாக இருந்தாலும், ‘மாமன்’ படமாக இருந்தாலும், நான் நடித்த அனைத்து படங்களிலும் ரசிகர்களின் ஆதரவு எனக்கு கிடைத்தது. தற்போது ‘நூறு சாமி’ திரைப்படம் எங்கெங்கோ சென்று மக்களிடம் நல்ல வரவேற்பைப் பெற்றிருப்பது எனக்கு உண்மையிலேயே ஆச்சரியமாக உள்ளது.
என்னை நம்பி ரசிகர்கள் திரையரங்குகளுக்கு வந்தது எப்படி? இயக்குநர் சசி சார் என்னை நம்பி இவ்வளவு பெரிய கதாபாத்திரத்தை எப்படி கொடுத்தார்? விஜய் மில்டன் சார் அதற்கு எப்படி சம்மதித்தார்? இவை அனைத்தும் எனக்கு ஒரு கனவு போலவே தோன்றுகிறது.
நான் கதாநாயகியாக நடித்த ஒரு திரைப்படம் இவ்வளவு திரையரங்குகளில் ஓடி, இவ்வளவு பேரால் ரசிக்கப்பட்டு பாராட்டப்படுவது என்பது, நான் தினமும் கண்ட கனவாகும். ஒரு நாள்கூட இந்தக் கனவை நினைக்காமல் நான் தூங்கியதில்லை. இன்று அந்தக் கனவு நனவாகியுள்ளது.
தமிழ் ரசிகர்கள் எனக்கு அளித்து வரும் ஆதரவு அளவிட முடியாதது. அதற்கு ‘நன்றி’ என்ற வார்த்தையைத் தவிர வேறு எந்த வார்த்தை பொருத்தமாக இருக்கும் என்பதுகூட எனக்குத் தெரியவில்லை. உண்மையில், இப்போது தமிழ் ரசிகர்கள்தான் என்னுடைய ஆக்சிஜன்.
நீங்கள் அளிக்கும் அன்பிற்கும் ஆதரவிற்கும் நான் எப்போதும் கடமைப்பட்டிருப்பேன். அதற்கேற்ப பொறுப்புடன் நல்ல கதைகளைத் தேர்வு செய்து நடிப்பேன்.
‘இந்தப் படத்தில் நான்தான் ஹீரோ’ என்று கூறி பலரும் எனக்கு தொலைபேசி அழைப்புகளும், வாழ்த்து செய்திகளும் அனுப்பி வருகின்றனர். அனைவருக்கும் என்னுடைய மனமார்ந்த நன்றியைத் தெரிவித்துக் கொள்கிறேன்.
‘நூறு சாமி’ திரைப்படம் என்னுடைய வாழ்க்கையில் மிகவும் முக்கியமான படம். அது என்னுடைய திரைப்பயணத்திற்கும் முக்கியமானது. அதேபோல், அதன் உள்ளடக்கமும் மிகவும் முக்கியத்துவம் வாய்ந்தது. அந்தப் படத்திற்கு நீங்கள் அளித்திருக்கும் பேராதரவுக்கு நன்றி. தொடர்ந்து உங்கள் ஆதரவு எங்களுக்கு தேவை.
எனவே, ‘நூறு சாமி’ திரைப்படத்திற்கு தொடர்ந்து ஆதரவு அளிக்குமாறு அன்புடன் கேட்டுக்கொள்கிறேன்.
ஒரு கலைஞராக, இதேபோன்ற அன்பையும் ஆதரவையும் தொடர்ந்து எனக்கு வழங்குங்கள். நான் இன்னும் கடினமாக உழைத்து, உங்களை ஏமாற்றாமல் பல்வேறு கதாபாத்திரங்களில் சிறப்பாக நடிப்பேன்.
அனைத்து ரசிகர்களுக்கும் மீண்டும் ஒருமுறை மனமார்ந்த நன்றி. நான் உங்களை அனைவரையும் நேசிக்கிறேன்.