ஓட்டி ஓட்டி ஓட வைத்த சிவப்பு ஜெயண்டுகள்..! தெலுங்கில் தஞ்சம் புகுந்த காயடு லோஹர்..! அதிரடி மூவ்!

தமிழ் சினிமாவில் குறுகிய காலத்திலேயே பெரும் வரவேற்பைப் பெற்றவர் நடிகை காயடு லோஹர். ஆனால், இப்போது அவர் கோலிவுட்டை விட்டு விலகி, டோலிவுட் பக்கம் தனது முழுக் கவனத்தையும் திருப்பியிருப்பது பல கேள்விகளை எழுப்பியுள்ளது. குறிப்பாக, தெலுங்குத் திரையுலகின் முன்னணி நட்சத்திரமான நானிக்கு ஜோடியாக ‘தி பாரடைஸ்’ படத்தில் அவர் ஒப்பந்தமாகியிருப்பது அதிரடி மூவாகப் பார்க்கப்படுகிறது.

காயடு லோஹர் தமிழில் அறிமுகமான போது அவருக்கு இருந்த மவுசு வேறு. ஒரே படத்தில் ஓஹோவென கொண்டாடப்பட்டார். ஆனால், சிவப்பு வட்டாரத்தில் பூதாகரமாக சிக்கியதால் ஏற்பட்ட சில ‘காண்டவர்சி’கள் காரணமாக, அவர் ஒட்டு மொத்தமாக இங்கே ஓரங்கட்டப்பட்டதாக ஒரு பேச்சு நிலவுகிறது. தமிழ் ரசிகர்களிடையே செல்வாக்கு இருந்தும், அவருக்குக் கிடைக்க வேண்டிய அடுத்தடுத்த வாய்ப்புகள் கைநழுவிப் போனதற்கு அந்தச் சர்ச்சைகளே முக்கியக் காரணம் என்று கூறப்படுகிறது.

இதனால், தமிழில் தனக்கு ஏற்பட்ட கசப்பான அனுபவங்களில் இருந்து தப்பிக்க, இப்போது தெலுங்குத் திரையுலகைத் தனது புகலிடமாக அவர் மாற்றிக்கொண்டுள்ளார்.

சிறைப்பிடிக்கப்பட்ட கால்ஷீட்?
நானி நடிக்கும் ‘தி பாரடைஸ்’ படத்தில் நடிக்க காயடு லோஹர் ஒரு விசித்திரமான மற்றும் கடுமையான ஒப்பந்தத்தில் கையெழுத்திட்டுள்ளார். அந்த ஒப்பந்தத்தின்படி, இந்தப் படத்தின் படப்பிடிப்பு முடியும் வரை அவர் வேறு எந்தப் பெரிய தெலுங்குப் படத்தையும் ஏற்கக்கூடாது. படத்தின் தரத்தை உயர்த்தவும், நடிகையின் முழுமையான தேதிகளைப் பெறவும் படக்குழு இந்த நிபந்தனையை விதித்துள்ளது.

ஒரு வளர்ந்து வரும் நடிகை, இது போன்ற முடக்கப்படும் ஒப்பந்தங்களில் கையெழுத்திடுவது பெரும் ரிஸ்க் என்றே திரைத்துறையினர் கருதுகின்றனர். மார்ச் 2026-ல் வெளியாக வேண்டிய இந்தப் படம், தற்போது ஆகஸ்ட் மாதத்திற்குத் தள்ளிப்போயுள்ளது. ஒருவேளை படப்பிடிப்பு மேலும் தாமதமானால், டிசம்பர் வரை காயடு லோஹர் வேறு எந்தப் படத்திலும் நடிக்க முடியாது.

வாய்ப்புகளைத் தியாகம் செய்யும் துணிச்சல்

இந்த ஒரே படத்திற்காக மற்ற பல தெலுங்கு வாய்ப்புகளைக் காயடு லோஹர் உதறித் தள்ளியுள்ளார். தமிழ் சினிமாவில் ஏற்பட்ட சர்ச்சைகளால் தனது இமேஜ் பாதிக்கப்பட்ட நிலையில், ‘தி பாரடைஸ்’ படத்தின் மூலம் ஒரு மிகப்பெரிய வெற்றியைப் பெற்று, தன்னை ஒரு பான்-இந்தியா நடிகையாக நிலைநிறுத்த அவர் போராடி வருகிறார்.

தமிழில் ஏற்பட்ட காயங்களுக்குத் தெலுங்கில் மருந்து தேடும் காயடு லோஹரின் இந்த முயற்சி நானி போன்ற ஒரு பெரிய நடிகரின் படம் என்பதால் இந்தத் தியாகம் பலன் தரும் என்று அவர் நம்புகிறார். ஆனால், காலம் கடந்து கொண்டே போனால், மற்ற வாய்ப்புகள் இன்றி அவர் திரையுலகில் காணாமல் போகும் அபாயமும் உள்ளது.