”நான் ஒரு மத நம்பிக்கையாளர், அதனால் நரகத்திற்குச் செல்ல விரும்பவில்லை, எனவே நான் சொர்க்கத்திற்குச் செல்வேன்” என டொனால்ட் டிரம்ப் தெரிவித்துள்ளார்.
அமெரிக்க அதிபர் டொனால்ட் டிரம்பின் சமீபத்தில்நேர்காணல் ஒன்றில் கலந்து கொண்டார். சிபிஎஸ் தொலைக்காட்சியின் “60 மினிட்ஸ்” நிகழ்ச்சியில், பத்திரிகையாளர் ராஸ் டூதாட் அவரிடம் வாழ்க்கை, மரணம் குறித்து கேள்விகள் கேட்டபோது, டிரம்ப், நான் நரகத்திற்குச் செல்ல விரும்பவில்லை. நான் ஒரு மத நம்பிக்கையாளர், அதனால் அவர் சொர்க்கத்திற்குச் செல்வேன் என்று நம்புகிறேன் எனத் தெரிவித்தார்.
அதிபர் டொனால்ட் டிரம்பின் இரண்டாவது பதவிக்காலத்தில், அமெரிக்காவில் உள்ள பல குடியரசுக் கட்சித் தலைவர்கள் தாக்கப்பட்டனர். ஆனால் அவர்கள் உயிர் தப்பினர். நேர்காணலின் போது, இந்த கொடிய தாக்குதல்களில் இருந்து உயிர் தப்பிய பிறகு, மரணம் குறித்த அவரது கண்ணோட்டம் மாறியுள்ளதா? என்று பத்திரிகையாளர் டிரம்பிடம் கேட்டார்.
இதற்குப் பிறகு, அவர் ஒரு நேரடிக் கேள்வியைக் கேட்டார், “மரணத்திற்குப் பிறகு என்ன நடக்கும் என்று நினைக்கிறீர்கள்?” அதிபர் டிரம்ப் ஒரு கணம் யோசித்துவிட்டு, “சரி, மக்கள் என்னை நினைவில் வைத்திருப்பார்கள் என்று நம்புகிறேன். நான் ஒரு மத நம்பிக்கை உள்ளவன். அதனால் கொள்கைப்படி நான் சொர்க்கத்திற்குச் செல்ல வேண்டும். அதுதான் என் நம்பிக்கை. நான் நரகத்திற்குச் செல்ல விரும்பவில்லை” என்றார்.
நேர்காணலின் போது, பத்திரிகையாளர் டிரம்பிடம் மேலும் ஒரு சுவாரஸ்யமான கேள்வியைக் கேட்டார்: “நீங்கள் சொர்க்கத்திற்குச் சென்றால், உங்கள் எதிரிகளை மன்னிக்க முடியுமா?” பத்திரிகையாளர் கேட்டார். “நீங்கள் இறந்து அடுத்த பிறவிக்குள் நுழையப் போகிறீர்கள் என்று வைத்துக்கொள்வோம்.” சொர்க்கத்திற்குச் செல்ல நீங்கள் செய்ய வேண்டியதெல்லாம், ஜேம்ஸ் கோமி, நான்சி பெலோசி மற்றும் பல ஆண்டுகளாக நீங்கள் வெறுத்த அனைத்து மக்கள் மீதும் அன்பும் மன்னிப்பும் கொண்டிருப்பதுதான். உங்களால் அதைச் செய்ய முடியும் என்று நினைக்கிறீர்களா?
இதற்கு, டிரம்ப் பதிலளித்தார், “பதில் இல்லை. நான் நேர்மையாகச் சொல்கிறேன். இல்லை. என்னால் அநேகமாக அதைச் செய்ய முடியாது. ஏனென்றால் நான் எனது சில எதிரிகளை வெறுக்கிறேன், எப்போதும் வெறுப்பேன்” என்றார்.
விமானிகள் ட்ரம்பிடம் அடையாளம் தெரியாத பறக்கும் பொருள்கள் பற்றிய விசித்திரமான கதைகளைக் கூறுகின்றனர். அமெரிக்க ஜனாதிபதி டொனால்ட் டிரம்ப், தன்னிடம் அடிக்கடி கேட்கப்படும் கேள்விகளில் ஒன்று அடையாளம் தெரியாத பறக்கும் பொருள்கள் பற்றியது என்று வெளிப்படுத்தினார். தனது முதல், இரண்டாவது பதவிக் காலங்களில், பல அனுபவம் வாய்ந்த விமானப்படை விமானிகளைச் சந்தித்ததாக அவர் கூறினார். இந்த விமானிகள் அவரிடம் UFO-க்கள் பற்றிய கதைகளையும் சம்பவங்களையும் கூறினர். அவை அவரை வியப்பில் ஆழ்த்தின.
”இந்த விமானிகள் அனைவரும் மிகவும் நம்பகமானவர்கள், அனுபவம் வாய்ந்தவர்கள். அவர்கள் ஆதாரமற்ற சதி கோட்பாடுகளை நம்பும் வகையான நபர்கள் அல்ல. விமானிகள் இளமையாகவும், உடற்தகுதியுடனும், சிறந்த ஆளுமையுடனும் இருந்தனர். அவர்களின் முடி நேர்த்தியாக வெட்டப்பட்டிருந்தது. அவர்கள் திரைப்பட நடிகர் டாம் குரூஸைப் போலவே தோற்றமளித்தனர். அவர்களைப் போல நானும் முடி வெட்டிக்கொள்ள விரும்புகிறேன்” என டிரம்ப் நகைச்சுவையாகக் கூறினார்.
”இந்த விமானிகள் முற்றிலும் உண்மையான, நம்பகமான நபர்கள். அவர்கள் அடையாளம் தெரியாத பறக்கும் பொருள்கள் (UFO) பற்றி மிகவும் விசித்திரமான சில விஷயங்களை அவரிடம் கூறியிருந்தனர். இருப்பினும், தாமே அவர்களை அவ்வளவாக நம்பவில்லை என்றும் டிரம்ப் தெளிவுபடுத்தினார்.