தமிழக அரசியல் களத்தில் நாளுக்கு நாள் திருப்பங்கள் ஏற்பட்டுவரும் சூழலில், தற்போது பாஜகவிற்குள்ளேயே அரங்கேறிவரும் உட்கட்சிச் சதி, ரகசிய பணப்பரிமாற்ற விவகாரங்கள் அம்பலமாகி வருகிறது.
அண்ணாமலையின் வார்ரூம் நெட்வொர்க்
பாஜகவின் முக்கியப் பொறுப்புகளில் இருந்து ஒதுக்கப்பட்டதாக வெளியில் காட்டப்பட்டாலும், அண்ணாமலை சும்மா இருக்கவில்லை. தனது சொந்த அரசியல் பயணத்தையும், தனக்கான அசைக்க முடியாத ஆதரவு தளத்தையும் மீண்டும் கட்டமைப்பதற்காகத் தமிழ்நாடு முழுக்க சத்தமில்லாமல் ஒரு மெகா வார்ரூம் நெட்வொர்க்கை அவர் ரீஸ்டார்ட் செய்துள்ளார். சென்னை, கோவை, திருச்சி, நெல்லை ஆகிய நான்கு முக்கிய மண்டலங்களில், யாருக்கும் எந்தவித சந்தேகமும் வராத அளவுக்குத் தனிப்பட்ட டீம்களை இறக்கி சோசியல் மீடியா ட்ரெண்டிங் முதல் கள நிலவரம் வரை தகவல்களைச் சேகரிக்கும் பணியில் பழைய வார்ரூம் வேகத்தை அவர் முடுக்கிவிட்டுள்ளார்.
இன்னொரு பக்கம், டெல்லி மேலிடத்தின் ஆசியோடும் அமித் ஷாவின் நேர்முக வழிகாட்டுதலோடும், நடிகர் தனுஷ் அரசியலுக்குள் புயல் வேகத்தில் கால்பதித்து வருகிறார். டெல்லியின் முழு ஆதரவு தனுசுக்கு இருக்கிறது என்பதைத் துல்லியமாகக் கணித்த அண்ணாமலை, தனுஷின் இந்த அக்ரசிவ் என்ட்ரியையும் டெல்லி தொடர்புகளையும் தனக்குச் சாதகமாகப் பயன்படுத்தித் தமிழ்நாட்டு அரசியலில் அடுத்தகட்ட காய்களைச் சாதுரியமாக நகர்த்தத் தொடங்கியுள்ளார்.
கசியும் ‘பார்சல்’ ரகசியம்
இந்தச் சூழலில்தான் அண்ணாமலைக்கு எதிராக ஒரு பெரிய ட்விஸ்ட் அரங்கேறியுள்ளது. கடந்த சில மாதங்களாகவே சமூக வலைதளங்களிலும், யூடியூப் தளங்களிலும் அண்ணாமலையை மட்டுமே குறிவைத்து, மிகக் கடுமையான வார்த்தைகளாலும் வன்மத்தோடும் ஒரு பிரபலமான யூடியூபர் தொடர்ந்து தாக்கி பேசி வந்தது பலரையும் யோசிக்க வைத்தது. திடீரென அந்த யூடியூபர் அண்ணாமலை மீது இவ்வளவு கொலவெறியாகப் பாய்வதற்குப் பின்னணியில் யார் இருக்கிறார்கள் என்ற கேள்வி எழுந்த நிலையில், தற்போது ஒரு அதிர்ச்சிக்குரிய ரகசிய ஆடியோ கசிந்துள்ளது.
அண்ணாமலைக்கு எதிராக அந்தப் பிரபல யூடியூபரைத் தூண்டிவிட்டு வன்மத்தைக் கக்க வைத்தது வேறு யாருமல்ல; தமிழ்நாட்டைச் சேர்ந்த பாஜகவின் ஒரு மிக முக்கியப் பிரமுகர்தான் என்ற பகீர் தகவல் வெளியாகியுள்ளது. அரசியல் வட்டாரங்களில் ரகசியப் பணப்பரிமாற்றத்தைக் குறிக்கப் பயன்படுத்தப்படும் ‘பார்சல்’ என்ற வார்த்தையின்படி, அண்ணாமலையின் பிம்பத்தை உடைக்கவும் அவரை சோசியல் மீடியாவில் அசிங்கப்படுத்தவும் அந்த யூடியூபருக்குத் தவணை முறையில் ‘பார்சல்’ அனுப்பப்பட்டுள்ளது.
அந்தப் பணத்தைப் பெற்றுக்கொண்டுதான் அந்த யூடியூபர் நாள்தோறும் அண்ணாமலைக்கு எதிராகத் தொடர்ந்து வீடியோக்களை வெளியிட்டு வந்துள்ளார். இந்த உண்மையை அந்த யூடியூபர் தனக்கு நெருக்கமான சில நபர்களிடம் பேசி உளறிக்கொட்டியுள்ளதுடன், ஆஃப் தி ரெக்கார்டாக வாக்குமூலமும் அளித்துள்ளார். இந்தப் பணப்பரிமாற்றம் மற்றும் அந்தப் பிரமுகரின் தூண்டுதல் தொடர்பான அதிரடி வாக்குமூல ஆடியோ கூடிய விரைவில் வெளிவரவிருப்பதாக அண்ணாமலையின் ஆதரவாளர்கள் தெரிவிக்கின்றனர்.
அந்த ஆடியோ வெளியாகும் பட்சத்தில், தமிழக பாஜகவைச் சேர்ந்த அந்த முக்கியப் பிரமுகரின் அசல் முகமூடி மொத்தமாகக் கிழித்தெறியப்படும் என்று எதிர்பார்க்கப்படுகிறது. தனக்கு எதிராக அமைக்கப்பட்ட பொறிகளையும் பார்சல் வியூகங்களையும் உடைத்தெறிந்துவிட்டு, புதிய வார்ரூம் பலத்துடன் அண்ணாமலை ஆடப்போகும் அடுத்தகட்ட அரசியல் ஆட்டம் விரைவில் அரங்கேறத் காத்திருக்கிறது.